HOMMAGE A IMAM BACHIR : Jërëjëf Imam Bachir Lahi

🤍IMAM MOUHAMADOU BACHIR LAHI🤍

BAAY BACHIR SUNU IMAM JËRËJËF

– Alhamdoulilahi dañuy geum, nangu ay ndogalam.

– Si mom lañuy delou, mo mom diam yi ak liñu am.

– Ya Rabbul Karim ñungui ñaane nga taw leer si kaw imam

– Bachir doomi Mame Babacar di seutu L’imam

YALLAH DOLIL LEER IMAM BACHIR

– Sa xar kanam lañu bëggoon xool, lāta nga dem.

– Bëggoone tātane si sa xam xam bu selleu ba, lāta nga dem

– Barkeelu si sa leer ba, lāta nga dem.

– Bëggoone took,diakarlo’k yaw, lāta nga dem.

YALLAH DOLIL LEER IMAM BACHIR

– Ya deudu wone adina ak latia biir ba

– Ya nekone ab kumpë si ndawi Akhloulilahi

– Namone nañula guissaat, xol sa jëm ju taaru ba

– Wayé dañuy sant Yallah tey djulli si borom Diamalahi

YALLAH DOLIL LEER IMAM BACHIR

– Weur nañu waayè guissaa tuñu ku melni yaw

– Yallah mola xam,mom mii def li nè si yaw

– Féessoone sunu xol ndax tiofeel biñu amoone si yaw

– Yaadi seutub limamou lahi,geum gui fessone deleu si yaw

YALLAH DOLIL LEER IMAM BACHIR

– Guisla safonté ak yaw doyna seuk sama xol bi

– Guisla talal la loxo nga ñaanal ma, ma geune la def sama xol bi

– Duma diouk si dila ñaanal, ñaane bu deugu t sori lool sama xol bi

– Yallah dollil ñu leer Imam Mouhamadou Bachir mu Seydina Ababacar Sibt IMAMAL LAHI asws

BAYSEYDI Ibn Sëriñ Moussa Gueye Lahi

LE POÈTE DE L’IMAM

---

POESIE